მინდა, ღრმა მწუხარება გამოვთქვა კოფი ანანის გარდაცვალების გამო. მან მთელი მისი სამაგალითო ცხოვრება უფრო სამართლიანი და მშვიდობიანი სამყაროს შესაქმენლად შრომაში გაატარა, სამყაროსი, რომელიც ადამიანის საყოველთაო უფლებებს გადაჯაჭვულ ჩვენს საერთო ჰუმანურ და ფუნდამენტურ ფასეულობებს ეფუძნება.
ის ხელს უწყობდა დიალოგის წამოწყებას და მხარს უჭერდა აზრის, რწმენისა და მოქმედების მრავალფეროვნებას. ის იქცა შთაგონების წყაროდ ახალგაზრდებისთვის მთელს მსოფლიოში და უზრუნველყო მათი ლიდერებად ჩამოყალიბება.
როგორც გაერთიანებული ერების ორგანიზაციის გენერალური მდივანი, ის იცავდა ქალთა და გოგონათა უფლებებს, ჯანმრთელობასა და ღირსებას. მას მიაჩნდა, რომ "განვითარებისთვის არ არსებობს ქალების გაძლიერებაზე უფრო ეფექტური საშუალება".
კოფი ანანს გაერთიანებული ერების ორგანიზაციის პრინციპები შესისხლხორცებული ჰქონდა. ის იყო მენტორი, მაგალითის მიმცემი და შთამაგონებელი უამრავი ადამიანისთვის, როგორც გაერთიანებული ერების ორგანიზაციის სისტემაში, ასევე მის გარეთ. მისი სახელი უკვდავია იმ მილიონობით ადამიანისთვის, რომელის ცხორებასაც ის შეეხო.
გაეროს მოსახლეობის ფონდის სახელით, გულწრფელად მინდა მივუსამძიმრო ნანეს და ანანების ოჯახს, განას მთავრობას და მოსახლეობას, და ყველა იმ ადამიანს მთელს მსოფლიოში, ვინც მის გარდაცვალებას გლოვობს.
